صرت دور ببالي على وجه
بيشبهك..وما لقيت
كنت أنطر طيفو ورا شجرة
حتى ورا أصابعي تخبيت
ليوم شفتك..حبيتك
ويا ريت ما حبيت
دبل قلبي من ظلمك إلو
لما بالبعد عليه تجنيت
وبلش شي جواتي..يموت عالسكيت
مدري أنت قتلتو
مدري أنا هيك حسيت
مل الصبر مني..ومن عنادك ما مليت
صابرة عالوجع..متل هالوطن
ما عاد إلي فيه..شقفة بيت
تركتني بكلمة..وعن حبي استغنيت
رحت..ولا حتى نظرة
ولا ذكرى
على باب قلبي خليت
يمكن كنت عندك وهم
يمكن حلم
ركضت وراه بالصدفة
فقت منو
وما قدرت معو كفيت
عشقتك إيه
ولا مرة..من هالكلمة استحيت
بس يلي بعرفوا..لو حبيتني عن جد
بعمرك ما كنت قلتلي..مو راجع أنا
ولا عني يوم كنت تخليت
ليست هناك تعليقات:
إرسال تعليق