بحبك ليه تعانديني
بغيرتي تحركي جنوني
وفَهِمْتِك بقى تهوني
ودمعي يروي أحزاني
رسمتك بسمة في عيوني
وشمس بيها عاش كوني
وهمس تملي في سكوني
ولمس ضلوعي وعدوني
فتحتي الضلع ونعاني
زعلك كان على عيني
بعيدة حرقت في ظنوني
وطال البعد ماتجيني
ساعات البعد بسنين
ولحظة قرب تحييني
تركتي القلب وحداني
ياكلمة حب من روحي
قوليها ضمدي جروحي
ماكنت بحبي بتبوحي
وبيها تزيني سطوحي
وليه أعلنت عصياني
أنا بيك اعيش إنسان
وبيك فرح كل مكان
ياروح عايشة في قلب كيان
يابدر في ليل عليل اتهان
أسيتي إزاي وكان نسيان
قدرتي إزاي وتنسيني
على زعلك أنا آسف
بقلبي في الغرام كاشف
وريد الحب ليه ناشف
وقلبك ليه ماهوش ناصف
جزور الحب في سنيني
مشيتي ودمعه في عيونك
كَسًرْتي إزاي في موزونك
حاولت كتير أنا اخونك
عشان أنساك بجنونك
فشلت يادمعه في عيوني
قدرتي إزاي أنا أهينك
نطقتي اللفظ ويشينك
لساني عار على جبينك
كلامي يموت.. ولايدينك
سامحتك ياما سامحيني
نزفتي وجرحي بقى ينزف
مشيتي وقلبي كان يوصف
بكيتي وحالي بقى يقرف
ياريت تاني تضميني
ملكت القلب ولاهمك
مزجت دمي من دمك
حملتي همي مع همك
شهور والحمل بيضمك
جنين على صدرك إسقيني
،،،،،
عبدالله السايح
ليست هناك تعليقات:
إرسال تعليق