قالوا العيد زعلان من
ديارنا ..
والفَرَحْ عطشانْ لأَرضْ
ديارنَا ..
عَلّقوا الزِّيناتْ واشعِلوا
الشَّمْعَاتْ ..
بَدْهَا تَفْرَح الدَّار ونطَيِّرْ
أَطيَارْنَا ..
ما بَقَى الأَسوَدْ يليقْ على
كبَارْنَا ..
بَدْنَا السَّعَادِة تغمُرْ وجوهْ
صغَارْنَا ..
وترجَعْ الأَفْرَاحْ وترنّ
الزغَاريدْ
ونستَقْبِلْ بأَرضْ الدَّارْ
زوَّارْنَا ..
يا أَهْل العيدْ صبّوا كاساتْ
النبيدْ ..
وعَتّقوا الحزنْ بدنَانْ الخمرْ
وجْرَارْنَا ..
ضوَّينَا الشَّمْعَاتْ بقلب
الكنَايِسْ ..
والجَوَامِعْ هَلَّلِتْ بأعيادنا
وتبَادَلنا التَّهَانِي نحنا
وأَخونَا وجَارْنَا ..
ضمَّيْنَا الإيدْ بالإيدْ
ولبسنا ثوب جديد
وعلى درب المحَبِّة
مشينا وما سأَلنا كبارنا
مع صغَارْنَا ..
قالوا العيد عَنَّا بعيد
يا رَبّ من عِندَك زيدْ
علينا أسباب السَّعَادِة
وفَرِّحْ قلوبنا وزيحْ عَنَّا
أَشْرَارْنَا ..
يا أهل بلادي وجيراني
وأحبابي وخلاَّنِي ..
ضمُّوا إيدْ بإيدْ للعَهد
الجَديدْ ..
ناخُدْ مواعيدْ وبالفَرَحْ
نزرَعْ أرض
ديارْنا ..
ليست هناك تعليقات:
إرسال تعليق