رسالة مجرب إلى أهل الفهم والذوق
أبعث فيها حكمة بمحبة لكم أزجيها
ترى يومٍ ترافقنا سوى بعهد مسبوق
غضضت البصر عنكم والأذن مغشيها
ومهما ابتعدنا يوم أو فرقتنا الخطوب
ترى مثلي للأسرار أبدا ما يفشيها
احفظ لسانك عن الصديق الصدوق
ولا تخلِّ غضبك ينزف بكل ما فيها
أنا عنكم من يومها صرت أبكم كفيف
واحكِ أنت إلي بنفسك وفيض فيها
تراني أنا ابن الأصل والكرم والجود
ومثلي ما يعكر بالخيانة أبد صافيها
وجرب واسأل الكل عنّي وافهم زين
يوم أنت بالترحال العِبرة مو ملاقيها
صفوة الأخوة وطيب ملقى الرجال
نستقيها في المهد وعن كابر نسقيها
وصية جدي في الزمن العتيق قال:
اختر في حياتك رفيق يساندك فيها
يحفظ السر وإن فارقته ما يستغيب
ويرميك بأسرار عنده كنت تخبيها
ويا حفيدي وسّع صدرك ولا يضيق
إن جاك بيوم منه إساءة اتْقَوَّ فيها
واعذر زمنٍ قل فيه الصدق والصديق
ولا ترمِ بالٍ للدنيا وكل ما يدانيها
وأنا يا صاحبي عن جدي أزيد وأقول:
اصحَ من غفوتك والعبرة لا ترميها
ولا تتبع خطا بنتٍ فاجرة ولعوب
وتغدر بخلك الأصيل تبغى تراضيها
تراها بيوم باعت أهلها والمقاريب
و لعنت أبوها وطعنت بأمها وخويها
وتراقصت كما الجواري بين الرجال
وما همها خليلٍ او حليل عنهم يكفيها
ما تعرف أبد معنى العفة ولا الأطهار
وتتغنى بالفحش والغدر واضح فيها
وحافظ على عهدك وانسَ كلّ دخيل
ترى ربّنا يحفظ حق العباد وما يمحيها
وكون رجل بكل معاني الرجولة والرجال
ولا تفتخر بذكورتك والنذالة انت مربيها
ترى تبقى الحرة حرة ما دام فيه رِجال
يخاف عليها ويقومها وما يتاجر فيها
ولا تفكر إني خسرت فلوسي أو المال
ترى الصدقة على الأنذال مسموح فيها
لو كان الوفاء والرجولة تنشرى بالمال
كان اشتريتلك كاس منها نداويك فيها
* رائد العمري
ليست هناك تعليقات:
إرسال تعليق