يصدر قريبا، للشاعر الشاب أشرف خلف، ديوان جديد بعنوان “خمارة الشيخ عمرو” في تجربة هي الأولى له، والمزمع أن يكون متواجدا بمعرض القاهرة للكتاب العام القادم.
وأشرف خلف شاعر شاب من مواليد محافظة الجيزة عام 1995، نشأ محبا للرسم، وكانت لأحداث ثورة يناير 2011 دور كبير في تنبيهه إلى موهبته في الشعر واعتناءه بها.
يحكي أشرف خلف أنه كان يذهب إلى ميدان التحرير ويستمع إلى الشعراء والأدباء والفنانين، ومن هنا نشأت لديه محبة لهذا الفن الأدبي، فاتجه إلى قراءة الشعر وشراء الدواوين خصوصا م ن الشعر العامي، ومنذ ذلك الحين ارتبط بالشعر وبدأ في تعلمه.
وعن الديوان الجديد يقول أشرف خلف “الديوان بيتكلم عني بشكل تفصيلي.. حد سيئ وصالح في نفس الوقت، حد مابيعرفش يكذب وبيحب ربنا وبيستغفره وهكذا”.
حصد أشرف خلف العديد من الجوائز مثل المركز الأول في مسابقة ملتقى المحروسة الأدبي بالكويت عام 2016، وكرم في معرض الكتاب عام 2015.
قصيدة للشاعر أشرف خلف من ديوان “خمارة الشيخ عمرو”:
في البداية..
انا بيني وبين ادم مشاكل
زي مثلًا ذنبي إيه ياكل ذنوب
واخد معاه نفس العقاب
مع اني مش واكل..!
لكن خلينا متفقين..
ان الحنين للمعصية وارد
وان الموارد للذنوب دافية
وان المهالك للبشر حافية
ولإن چين التجربة
جوايا مش بارد..
فكَّر معايا تلاقي..
إلهي خلىٰ الطينة تتغلِّم
إلهي خلىٰ الطفل يتعلِّم
دخل الشيطان ليهوذا.. راح سلِّم
دخل الشيطان للحية وشوشها..
هو إللي خلىٰ الحية تتكلم..!
قالت اسطورة مرة:
هنجيب ادم ونكتب
في بداية اسمُه “خ”
ويصير “خادم” لبابل
قالت اسطورة تانية:
هنجيب ادم ونكتب
في بداية اسمُه “ن”
ويصير “نادم” وغافل
قالت اسطورة تالتة:
هنجيب موسىٰ وعصايتُه
ونقول للناس حكايتُه
علشان ناحت وكافر!
موسىٰ إنسان أمين
ادم أصل الوجود..
لو عندك شك فيهم
“راجع نسل اليهود”
طب نوح إزاي هيبقىٰ..
اسطورة وشيء خُرافي
“جلجامش مش هيبقىٰ”
تفكيره بسيط وعادي
اقدر دلوقتي أكتب..
عن شيء قدام هيحصل
وساعتها البعض ممكن
يسجد ليا ولفكري
أصبح عالِم في بابل
او مرسل من قبائل
مش منطق تبقىٰ قابل
شاعر يكتب عقيدة
ودي قلة عقل، جايز..
الدين يبقىٰ فـ ازايز
المقنع تبقىٰ عايز..
الله يكتب قصيدة.
ليست هناك تعليقات:
إرسال تعليق