لأجل نعرف للحنين طعم ونرحمك ؟!
ولايبقى الحب جارف ننهضك ؟!
ولاتبقى الرحمة فى القلب ترفعك ؟!
والأنسانية فينا .. تروى مطعمِك !
لوصوَرٌكِ بمليون كاميرا
الجِبلَه ..عُمرِه مايتحرك بالِبَاس وبالفَنِله
يخلع الملابس ويمشى فِله
وينزل من الفِيرارى .. يدوس ع البَرارى
ويغوص بالمَدَاس يكشف عورِتك
لو "دافنشى" مكان الموناليزا بروز قعدِتك
وصَوَرِك والهَوَىَ مادَخل دنيتك
والهَم جَارِك من يوم مولدك
وغَفوِة عيونك وقهرتك
مانشترى منك بجنية عشان تِبُور سلعِتك
وماتلاقى لقمة تسد رمقتك
لو "بيكاسو "رسم صورتك بكل الريشات
لن تأثر حتى فى شِعرِته
الكلب (لولو) عند بنته ...والمدام بتهَسِكه
الف مره ..لسانه .. بقهرتك
مين انت مِنه ؟ بالجحور اللى فى شفِتك
ولا التراب اللى عَشِش فى سحنتِك
لو "مختار" بالأزميل نَحت هيئتك
ما أنفطر قلب على ضياع مهجتك
حيقلعُوكِ .. و فى المَجارى يطفحوكِ
ويسألك (ابوهشيمه وساويروس ) تخدى كام وتموتى ؟
ملعون أبوكى
مين قال يَخَلِف عنكبوت فى الجُونه
أحنا الحديد بنكلبش الرعاع ليحسدونا
لوصوروكِ أويرسموكِ بكل الألوان
انت مَسمُومه .. يعنى مَسمُومه
مَصِينا دمك أنت وابوكِ وأخوكِ وأمك المجنونه
ومن دمكم نروى العَطَاشى من السكارى والنسوان الممحونه
ونزيل الطفُوله من جِفونك
ونقضى على حلمِ الحياة فى عيونك
لوصوروكى فى الأنجيل والقرآن
احنا مش بشر نسبح الرحمن
أحنا الديابة اللى بترعى الكوره والنسوان
والراقصين والكدابين فى الأعلام
وكل من قال انا مَطَبِلاتى مش أِنسان
ليست هناك تعليقات:
إرسال تعليق