مرة رحنا على الفرن ...
أنا وإبن أختي برهان ...
ولقينا العالم والناس ...
متل قطيع الخرفان ...
العالم كلا ضجرانة ...
من هالحالة وزهقانة ...
وبدها تاخد خبزاتا ...
بسرعة ومانا قدرانة ...
وقفنا وصفينا بالدور ...
وقلنا يا ربي تستر ...
إجا واحد دفشني ...
وقال دوري قبلك يا تور ...
وكان واقف خلفي برهان ...
صار دمو يغلي ويفور ...
قلتلو روق يا خال ...
ما بدها هالقد نثور ...
..................
ولما وصل عندي الدور ...
ودفعت حق الخبزات ...
صارت عراضة ع الفرن ...
وسكرت كل الطاقات ...
أم عزمي صرخت يا ناس ...
نسرقت مني المصريات ...
وما بقي معي ولا قرش ...
ولا حتى حق الخبزات ...
وسلمى قالت يا ستار ...
عم تتحرش بالبنات ...
شايب وعايب وكبير ...
استحي على هالشيبات ...
روح بعد عني لبعيد ...
ولا تعتدي ع الحرمات ...
الله يلعن كل خسيس ...
بيعتدي ع الحريمات ...
.......................
وهاجت وماجت هالناس ...
وفوج خود وفوج هات ...
وصارت تعلى هالأصوات ...
وكترت حتى المسبات ...
والشعب عنا المسكين ...
تاقن فن العراضات ...
ومعو شهادة دبلوم ...
بإدارة الطرنات ...
وصار في سحب سكاكين ...
وانسحبت الشبريات ...
وإجوا الشرطة والبوليس ...
وضربونا بالهراوات ...
وأكلنا عدة لكمات ...
ولموا منا الهويات ...
وأخدونا على المخفر ...
بالضربات وبالنعرات ...
...............................
ملك الأصفر
ليست هناك تعليقات:
إرسال تعليق