قزاز المحبة ال بالقلب عيرة
بيطق لمّا بتولع الغيرة
من هيك ما بشغل بحاسد بال
ولا بسمح ينال الشرف ت يطال
غبرة شعر ع قزاز تفكيري
⏬
⏪2
ونبقى إذا فينا العشق صلّى
نركع .. ما بين الشوق والتنهيد
شفافي عبيد وإنت كاس نبيد
وكيف رح بعبد بعد ...الله
وجسمك نبّي بشّر بدين جديد
كفَرت وبعد منّك قلت ما بحب ّ
وبقيت ...
عن جسمي كفر لمّك
عا خشبة غيابك صلبني الحب
وكرمال إسترجع خْيال الرب
قرّب ت صلّي شوي عاتمّك
⏬
⏪3
كيفك إنت منيح؟
طيب سدّو واستريح
بتربح معنا جايزة تاني أكتر حدا مقهوووور من الملكة
يا زلمي انت كيف بتطلعلي اني وزهقانة وفش حدا بهدلو وإتسلى فيه
ولاااا منك إلا إلو بترحموش حالكن من لساني؟
ولاا فش حدا بيفهم صوبكن يسفقكن كف يفيقكن؟
مصدقين حالكن يا بو بريص منّك إلا ؟
مش شايف الازمة اللي نحنا فيها لا عم فينا نأمنلك دوا ضغط ولا دوا بواسير وفتاق ولك حتى كرتونة دكتوراه فخرية ألمانية مش عم فينا نشتريلك
⏬
⏪4
مش بس عطرك..
لا دفا هالشال
تا حس فيهن بلبسوا نتفة
وتا حس فيك..
الشال ما بيكفي
...
بيهدا على كتفي ألف رجّال
كلما شلحت الشال عا كتفي
⏬
⏪5
وبعدَك متل ..
طالع ع بالي قول شعر وبس!!
قطّف ضحك عن تمّك وضبّو
وبكاس همّي إكسرو وصبّو
وبعدَك ...
متل أوّل ما تمّي حسّ
بطعمة شفافك ..
كيف بيحبّوا
⏪6
نسيت النوم
ضيعت نومي
وضلّ كل الليل
فكري على غياب الغفا
سارح
فتّشت ..تا ما ضل
فيي حيل
تذكرت !!!
مش رح فتّش وْلا ميل
نسيتو بحضنك ليلة مبارح
*زينب حمادة
ليست هناك تعليقات:
إرسال تعليق