مجلة دروب أدبية || أدبية ثقافية إبداعية: فيديو ⏪ قصيدة احزانى العادية ... للشاعر عبدالرحمن الابنودي

لماذا نكتب؟

نكتب لأننا نطمح فى الأفضل دوما.. نكتب لأن الكتابة حياة وأمل.. نكتب لأننا لا نستطيع ألا نفعل..

نكتب لأننا نؤمن بأن هناك على الجانب الآخر من يقرأ .. نكتب لأننا نحب أن نتواصل معكم ..

نكتب لأن الكتابة متنفس فى البراح خارج زحام الواقع. نكتب من أجلك وربما لن نعرفك أبدأ..

نكتب لأن نكون سباقين في فعل ما يغير واقعنا إلى الأفضل .. نكتب لنكون إيجابيين في حياتنا..

نكتب ونكتب، وسنكتب لأن قدر الأنسان العظيم فى المحاولة المرة تلو الأخرى بلا توان أو تهاون..

نكتب لنصور الأفكار التي تجول بخاطرنا .. نكتب لنخرجها إلى حيز الذكر و نسعى لتنفيذها

فيديو ⏪ قصيدة احزانى العادية ... للشاعر عبدالرحمن الابنودي

⏪ يامنه
والله وشبت ياعبدالرحمن
عجزت ياواد؟
موسرع..؟
ميتى وكيف ؟
عاد اللي يعجز في بلاده
غير اللي يعجز ضيف!!
هلكوك النسوان؟
شفتك مره بالتلفزيون
ومره وروني صورتك في الجورنال
قلت : كبر عبدالرحمن!
أمّـال أنا على كده
مت بقى لي ميت حول!!
والله أنا خايفة ياولدي القعدة تطول
مات الشيخ محمود
وماتت فاطنة اب قنديل
واتباع كرم ( اب غبان )
وانا لسه حية
وباين صاحية كمان .. وكمان!!
عشت كثير ..
عشت إلـ حد ما شفتك عجزت يا عبد الرحمن
وقالولي .. قال : خلفت!!
وانت عجوز خلفت ياخويا ؟!!
وبنات كمان ..؟
امال كنت بتعمل ايه
طيلة العمر اللي فات؟
دلوقت مافقت؟
وجايبهم دلوك تعمل بيهم ايه ؟
على كلٍ ..
أهي ريحة من ريحتك ع الارض
يونسوا بعض…
ماشي ياعبدالرحمن ..!
اهو عشنا وطلنا منك بصة وشمة .
دلوك بس ..
ما فكرت فـ ( يامنه ) وقلت ( ياعمة )؟
حبيبي انت ياعبدالرحمن
والله حبيبي .. وتتحب
على قد ما سارقاك الغربة
لكن ليك قلب
مش زي ولاد الكلب اللي نسيونا زمان !!
حلوه مرتك .. وعويلاتك ؟
والا شبهنا ؟
سميتهم ايه؟
قالولي : ( أية .. ونور)
ماعرفتش تجيب لك حتة واد ؟
والا اقولك:
يعني اللي جبناهم..
نفعونا في الدنيا بإيه ؟
غيرش الانسان مغرور!!
ولسة يامنه حتعيش وحتلبس
لما جايب لي قطيفة وكستور؟
كنت اديتهمني فلوس
اشتري للركبة دهان
أ بـا ي ما مجلع قوي يا عبدالرحمن
طب ده انا ليا ست سنين
مزروعة في ضهر الباب
لم طلوا عليا احبة ولا اغراب
خليهم .. ينفعوا .. اعملهم اكفان
كرمش .. وشي !!
فاكر يامنه .. وفاكر الوش؟
اوعى تصدقها الدنيا
غش فـ غش!!
اذا جاك الموت ياولدي
موت على طول
اللي تخطفوا فضلوا احباب
صاحيين في القلب
كأن ماحدش غاب
واللي ماتوا حته .. حته ونشفوا
وهم لسه حيين
حتى ( سلام عليكم)
مش بتعدي من بره الاعتاب!!
اول مايجيك الموت … افتح
اول ما ينادي عليك .. اجلح
انت الكسبان…
اوعى تحسبها احساب
ولا واد .. ولا بت
ده زمن .. يوم مايصدق .. كداب!!
سيبها لهم بالحال والمال وانفد
اوعى تبص وراك
الورث تراب
وحيطان الايام طين
وعيالك .. بيك مش بيك عايشين!!
يوووووه يازمن
مشوار طولان..
واللي يطوله يوم عن يومه ياحبيبي
حمار !!
*******
الدواء عاوزاه لوجيعة الركبه
مش لطوالة العمر
اوعى تصدق الوانها صفر وحمر
مش كنت جميلة ياواد…
مش كنت .. وكنت وجدعه
تخاف مني الرجاله
لكن فين شفتوني
كنتو عيال!!
بناتي ( رضية ) ( ونجية ) ماتوا وراحوا
وانا اللي قعدت
طيب يازمان!!
اوعى تعيش يوم واحد بعد عيالك
اوعى ياعبدالرحمن
في الدنيا وجع وهموم اشكال الوان
الناس مابتعرفهاش
اوعدهم
لو حتعيش بعد عيالك ماتموت
ساعتها بس .
حتعرف ايه هو الموت
اول مايجي لك نط
******
لسه بتحكي لهم بحري
حكاية ( فاطنه وحراجي القط )؟
آ باي .. ما كنت شقي وعفريت
من دون كل الولدات
كنت مخالف…
براوي
وكنت مخبي في عنيك السحراوي
تمللي حاجات
زي الحدايه..
تخوي الحاجه وتطير.
من صغرك بصوافر واعره
ومناقير !!
بس ما كنتش كداب
واديني استنيت بالدنيا
لما شعرك شاب!!
*******
قدم البيت
اتهدت قبله بيوت وبيوت
واصيل هوه
مستنيني لما اموت
حاتيجي العيد الجاي
واذا جيت ..
حاتجيني الجاي؟
وحاتشرب مع يامنه الشاي؟
حاجي ياعمه ..
وجيت…
لا لقيت يامنه ولا البيت!!
والله وشبت ياعبدالرحمن
عجزت ياواد؟
موسرع..؟
ميتى وكيف ؟
عاد اللي يعجز في بلاده
غير اللي يعجز ضيف!!
هلكوك النسوان؟
شفتك مره بالتلفزيون
ومره وروني صورتك في الجورنال
قلت : كبر عبدالرحمن!
أمّـال أنا على كده
مت بقى لي ميت حول!!
والله أنا خايفة ياولدي القعدة تطول
مات الشيخ محمود
وماتت فاطنة اب قنديل
واتباع كرم ( اب غبان )
وانا لسه حية
وباين صاحية كمان .. وكمان!!
عشت كثير ..
عشت إلـ حد ما شفتك عجزت يا عبد الرحمن
وقالولي .. قال : خلفت!!
وانت عجوز خلفت ياخويا ؟!!
وبنات كمان ..؟
امال كنت بتعمل ايه
طيلة العمر اللي فات؟
دلوقت مافقت؟
وجايبهم دلوك تعمل بيهم ايه ؟
على كلٍ ..
أهي ريحة من ريحتك ع الارض
يونسوا بعض…
ماشي ياعبدالرحمن ..!
اهو عشنا وطلنا منك بصة وشمة .
دلوك بس ..
ما فكرت فـ ( يامنه ) وقلت ( ياعمة )؟
حبيبي انت ياعبدالرحمن
والله حبيبي .. وتتحب
على قد ما سارقاك الغربة
لكن ليك قلب
مش زي ولاد الكلب اللي نسيونا زمان !!
حلوه مرتك .. وعويلاتك ؟
والا شبهنا ؟
سميتهم ايه؟
قالولي : ( أية .. ونور)
ماعرفتش تجيب لك حتة واد ؟
والا اقولك:
يعني اللي جبناهم..
نفعونا في الدنيا بإيه ؟
غيرش الانسان مغرور!!
ولسة يامنه حتعيش وحتلبس
لما جايب لي قطيفة وكستور؟
كنت اديتهمني فلوس
اشتري للركبة دهان
أ بـا ي ما مجلع قوي يا عبدالرحمن
طب ده انا ليا ست سنين
مزروعة في ضهر الباب
لم طلوا عليا احبة ولا اغراب
خليهم .. ينفعوا .. اعملهم اكفان
كرمش .. وشي !!
فاكر يامنه .. وفاكر الوش؟
اوعى تصدقها الدنيا
غش فـ غش!!
اذا جاك الموت ياولدي
موت على طول
اللي تخطفوا فضلوا احباب
صاحيين في القلب
كأن ماحدش غاب
واللي ماتوا حته .. حته ونشفوا
وهم لسه حيين
حتى ( سلام عليكم)
مش بتعدي من بره الاعتاب!!
اول مايجيك الموت … افتح
اول ما ينادي عليك .. اجلح
انت الكسبان…
اوعى تحسبها احساب
ولا واد .. ولا بت
ده زمن .. يوم مايصدق .. كداب!!
سيبها لهم بالحال والمال وانفد
اوعى تبص وراك
الورث تراب
وحيطان الايام طين
وعيالك .. بيك مش بيك عايشين!!
يوووووه يازمن
مشوار طولان..
واللي يطوله يوم عن يومه ياحبيبي
حمار !!
*******
الدواء عاوزاه لوجيعة الركبه
مش لطوالة العمر
اوعى تصدق الوانها صفر وحمر
مش كنت جميلة ياواد…
مش كنت .. وكنت وجدعه
تخاف مني الرجاله
لكن فين شفتوني
كنتو عيال!!
بناتي ( رضية ) ( ونجية ) ماتوا وراحوا
وانا اللي قعدت
طيب يازمان!!
اوعى تعيش يوم واحد بعد عيالك
اوعى ياعبدالرحمن
في الدنيا وجع وهموم اشكال الوان
الناس مابتعرفهاش
اوعدهم
لو حتعيش بعد عيالك ماتموت
ساعتها بس .
حتعرف ايه هو الموت
اول مايجي لك نط
******
لسه بتحكي لهم بحري
حكاية ( فاطنه وحراجي القط )؟
آ باي .. ما كنت شقي وعفريت
من دون كل الولدات
كنت مخالف…
براوي
وكنت مخبي في عنيك السحراوي
تمللي حاجات
زي الحدايه..
تخوي الحاجه وتطير.
من صغرك بصوافر واعره
ومناقير !!
بس ما كنتش كداب
واديني استنيت بالدنيا
لما شعرك شاب!!
*******
قدم البيت
اتهدت قبله بيوت وبيوت
واصيل هوه
مستنيني لما اموت
حاتيجي العيد الجاي
واذا جيت ..
حاتجيني الجاي؟
وحاتشرب مع يامنه الشاي؟
حاجي ياعمه ..
وجيت…
لا لقيت يامنه ولا البيت!!

ليست هناك تعليقات:

إرسال تعليق

الصفحة الأولى

عن الحياة الاجتماعية
حتّى يَستمتع الإنسان بحياته، و يستوفي غاياته، ويحقّق أحلامه، وطموحاته، فقد كان لزاماً عليه أن يتبع أسلوباً معيناً في الحياة، وأن يهتم بالعديد من الجوانب، وإلا فإنه معرّض لأن يحيا حياةً بائسة بلا فائدة، يُقلّد فيها من حوله ويكون نسخةً مطابقةً عنه، فالحياة من أهم سبل العيش التي شرعها الله سبحانه وتعالى لنا، فمن الواجب علينا الاستمتاع بها في الأعمال الايجابية.

إن الحياة الاجتماعيّة من أهم جوانِب حياة أي إنسان، حيث لا يمكن تجاهلها ولا تجاوزها، فالله عز وجل عندما خلَق عامة الناس جعلهم متفاوِتين في قٌدِراتهم، المتمثلة في العقليّة والبدنيّة، والثقافية، ممّا يجعلهم في حاجةِ لبعضهم البعض بشكل مستمر، حيث يرتبط الفرد بغيره من الناس بعلاقاتٍ أسريه ومجتمعية مليئة بالحبّ والتعاوُن والتفاهُم، سواءً كانت علاقاتٍ أسرية أو علاقاتِ عملٍ أو صداقةٍ أو أي نوعٍ من العلاقات الاجتماعيّة الأخرى، التي تفرِض على الفرد الاختلاط مع الآخرين، وتقديم الخدَمات المختلفة لبعضهم البعض، ويجب على الفرد الاتصاف بمحاسِن الأخلاق والتعامُل بها فيما بينهم مثل الصِّدق والأمانة والإخلاص وتقديم يد المساعدَة والابتعاد عن الغيبة والنميمة وأذيّة الآخرين.

تتمة النص..