على بيت المقدس وفلسطين
نترجى سنين الشوق الساكن
جوه أنين الأأأأه
الصارخة فى صمت الليل
الجاى بيعافر
جوه القلب البائس
من أحزان الفجر الباكى
ونور البدر المطفى
فى قلب القدس الحالم
بعيون فجر النصر
الجاى متشوق يوم حطين
وصلاح الدين الفارس
جاى بحصانه المارد
فارد سيف الحق
وفاتح صدره لعصف الريح
مع انه جريح
لكن من قوة صوته الرافض الاستسلام
انهد كيان الشر وحطم
نظريات الوهم الخاطئ
إن المدفع يقدر يدفع
ظلم الظالم يوم قدام
وان حمام السلم الميت
ريشه ينبت على أجسام الذل ويثبت
للمحتل الواهم ان الغل
المزروع جوة فى طلقة دانة
ممكن يرهب
ابنى الراضع من إصرار الارض كرامه
وعزة نفس
وصلب إيمانه
علا فى صوت زغاريد الفرح
الدايرة فى ساحة النصر المرسوم
فوق جدران القدس
بدم الشهدا
فى ارض جنين
والضفة وغزه وبيت سحور
وبرغم سلاح الشر الهمجى
من صواريخ وكيماوى ونووى
ورغم تحالف كل الحقد الأسود
عاد الحق يدق بجد
فى صوت قداس شكر وترانيم
جوه فى قلب كنيسة المهد
فى يوم الحد تغنى آمين
داخلين بابها كتير ملايين
مسيحي ومسلم منتصرين
ليست هناك تعليقات:
إرسال تعليق