ويحييكِ يا غصن زَتون
ومين هيكون فـ يوم فرحك
بيغزل من خيوط الشمس فستانك
علشانك ...
سحبت عروقي من أيدي
وبشغل من حروف أسمك عناقيدي
وبنده ع النجوم قيدى
فى عتمة ليل ولو طوّل
وزينتك بتاج أبيض على جبينك
وبيضوّى بدقاتي
وحتة مـن السما الصافية بلون قلبك
وعمري يمدّ قدامك على السكة
بســـاط مــمــدود
يعدى لألف ألف حدود
دا مـ الأول أنا وأنتِ ما بينا وعود
وحتما يجي يوم ونعود
لنفس السكة من تانى
عشقتك وأنتِ عشقانى
ليست هناك تعليقات:
إرسال تعليق