نام بقلبي | نهلة عنان بدور

شعر محكي

نام بقلبي. واتغطى بعيوني
اسهَر بقربي. ونسيني شجوني
ضَل بجنبي وعيونك قالوا لي 
إنتَ حُبِّي إنتَ ضو عيوني

يا حُبِّي اللي مزَيِّن لي حياتي
والله بحبك حتى بعد مماتي
إنتَ قلبي. ووجع. آهاتي 

وبحُبَّكْ يا عُمري. سقِيتْ ورداتي

سلَّمتْ لعيونك القلب و الروح
وبقيتْ مجنونك. مَعَكْ وين ما روح
والقلب من عيونَكْ. دايب و مجروح
من وردة حُبَّكْ كل العطر بيفوح

خليني بقربك أسهر ما نام
دفيني بحُبَّكْ و محيلي الآلام
خبيني بقلبك. وغطيني بالأحلام
قلبي والله حَبَّكْ. يا بدر التمام