⏪⏬
قاعد فـ بيتى باشرب قهوة مِــــــــــــسكره
قوم لقيت الشغالة مس شــــــــــــوجره
بتبصلى بعين قوية مــــــــــــتحجره
أصلى دلقت القهوة وبقت مــــــــــــتبعتره
يا فضيحتى عامل زى القطط فـ الــــــــــــدِره
وهى خدامتى الأجنبية جونلتها قــــــــــــصيره
سالت مين شغال عند مين أنا رحت لــــــــــوره
يا وليه راكبة عربية جدى النحاس المجنــــــــــزره
افتكرت خدامة جدى الباشا أبو مسخــــــــــره
كانت صعيديه بنت بنود اسمها سكــــــــــره
قصره فـ الميدان والدنيا لسة بخيرها مــــــــــدوره
الباشا يبرم شنباته القهوة تجيله مبــــــــــدره
والخدامة صوابعها قايداهمله شموع منــــــــــوره
جدى أخلاقه تلفانه والخريطة كانت مــــــــــوروره
فاكر الحريم جوارى لحمة رخيصه متورثــــــــــة
يِلعب فـ حواجبه للخدامة أم ضفاير مضفــــــــــرة
ماتحاولش ابدا يابو حواجب طمعانة فالصنــــــــــدرة
يلى مش خايف من بارودات عيليتها المتصــــــــــدرة
قامت مِقبلة بالبابور سابت القصر وهيا متحرمــــــــــة
الشرف ما يتقدرش بمال تغور نومة الصنــــــــــدرة
ماضيعش الباشا الوقت وجاب خواجاية متفرنجــــــــــة
ممرضة وطباخة ولمواخذه مدلكة حاجة مسخــــــــــرة
وورثته والأمجاد مع السنين الخوجاية المتأجرة
ونسلها خدامين سيطروا يادى الخيبة المحجرة
حفضل ضحية لجدى الباشا ومس شوجــــــــــره
قوم سمعتنى الكهينة وقالتلى بلهجه آمــــــــــره
كومى إنتى تهينه إمسهى الكافيه المبعتــــــــــرة
إللى ميش إملك أوته ميش اكنس المستأمــــــــــرة
ملعون أبوكى وجدى يا شقرا يا مــــــــــدوره
بلاش التجويع ويلا جهزيلى البطاطس المحمــــــــــره
*أحمد إبراهيم الدسوقى
ليست هناك تعليقات:
إرسال تعليق