شهامة على رجولة على ُمروة
على ضمير
وبقينا في غابة يآبا
وبحر كبير
الكبير فينا بـ يأكل الصغير
وإحنا يا دوب شويت نمل
حبة هموش , على شويت صراصير
ناموس مع الهوى بيطير
مين قال إن إحنا بشر
أو حتى بنادمين عايشين
إحنا يا دوب شويت حشرات بطير
تمشي تحت الحيط , جوى الحيط
فوق الحيط , مد الخيط , تشفها طوابير
احنا شويت " ......."
حالة وما لهاش تفسير
هــ نضحك علي روحنا كتير
احنا يا دوب كام مليون فقير
بيتحكم فيهم كام قرد علي كام خنزير
مليين عايشـ ين ومش عايشـ ين
ما تفرقـ ش كتير
شعارهم في الحياة " أهو صابرين "
واللي يصير علي الناس علينا يصير
لاحد يسمع صوتنا , ولا يحس بينا كتير
وادفس راسك وسط الروس , وعيش ,
ربي عيالك , خليك في حالك
عشان اللي يرفع راسه لفوق بطير
الخد خليه مداس , وافرد الجلد حصير
واللي يطير يأكل فطير ,
ووعاك تفكر كتير , أو تهتم بالغير
ولا تحاول تفهم , أو تحلم بالتغير
وعيش نملة تأكل سكر وفطير
حكمة قالها حقير عن حقير ابن حقير
والباب اللي جيلك منه الريح سده
وابعد عن الشّر وغني له كتير
واقف مكانك زين في الطوابير,
رص طوب , رص حجارة ,
حديد مدقوق ثابت كيف مسامير
وما تفرحـ ش كتير , وما تضحكـ ش كتير
ولا لك دعوة باللي صار ولا باللي يصير
وما تحلمـ ش كتير , وما تفكر ش كتير
في زمن كله طرطير ,
كلمة هقولها لك في ودنك يا فقير
ما فيش تغيير
نصيحة مني اسكت خالص
أوعاك تتكلم أو تتألم كتير,
أوعاك تمعن في التفكير
أو تطالب بحقك ,
او تحلم ببكرة , أو بالتغير
لحسن راسك يا ولدي تطير
وده مش حالك أنت لوحدك
ده حال ناس زيك كتير كتير
وده حال كل واحد فقير,
أو واحد عنده ضمير
محنا صرنا شويت نمل
علي حبت هموش ,
وناموس بيطير
على شويت صراصير
مين قال ان احنا بشر
مين قال ان إحنا بنادمين
او حتى عيشين
احنا يا دوب شويت حشرات بطير
بتمشي تحت الحيط
جوى الحيط , فوق الحيط
مد الخيط , تشفها طوابير
حالة وما لهاش تفسير
والظاهر إني ما فيش تغير
إحنا بقينا شيء حقير
احنا يا دوب شويت " حـ ......."
**
على السيد محمد حزين
ليست هناك تعليقات:
إرسال تعليق