قام نعق الغراب
دار على كل باب
لاجل ما خاين كراه
قواه علشان يلاعبك
ويقسم صف شعبك
وفيكى الحال يلاعبك
وتبقى الصرخة آه
خلاه خرب فى جسمك
وشال من اسمه اسمك
معاه إختل رسمك
وقام شدك وراه
لبير مليان جهالة
ولأفكاره الحثالة
وبخسه وبندالة
أعلن حربه وآذاه
وقال ليكى حقوق
عشيرتى تبقى فوق
جميع كل الحقوق
وميلشياتنا حماه
يا اركب وحدى واسوق
ياتعيشى فى قلب سوق
فوضى وهدم وحروق
إحنا أملكوا اللى تاه
وابنك فاهم وواعى
مصرى الطينه ورفاعى
أصله صياد أفاعى
ربك دله وهداه
ليست هناك تعليقات:
إرسال تعليق