أيه أللى باقىمنك يا وطن
غير حبة شرف
وسواعد للشباب
وايه اللى جى
بكره ياوطن
وليه الناس
حاسه ب قرف
وخايفه
من عض الكلاب
كل اللى داس
عليك ياوطن
كل اللى هرب
كل اللى من حرمتك
يا وطن قرب
ومن بره للسم جاب
كل اللى باع
منك ياوطن
حبة تراب
لابد من مراجعه
من مواجهه
لابد من حساب
ومن النهارده ياوطن
بينكتب لك تاريخ جديد
ودى اول صفحه فى الكتاب
من النهارده
كل يوم هيعلى شأنك
من النهارده
كلنا ب الحق نرضى
وهترجع بقوه لمكانك
من النهارده
كلنا لازم نصونك
نكون اياديك وعيونك
ونضحى ب العمر علشانك
وكل اللى خانك
ياوطن أن جيت للحق خاب
محمد بدر
ليست هناك تعليقات:
إرسال تعليق