عن حالى
ولا إيه بيجرى لى
ولا عن ظلمك
عمل إيه فيا
هاقولك إيه
لسانى من كتر
الألم أخرس
والقلب من ظلمك انكوى
تاه فى دروب الهوى
مش لاقى دوا لحالى
لكن عايش
على أمل
تفوق وتصحى
قلبك الجانى
ف وسط الزحمه سهانى
بكل القوه يرمينى
لكن ساكته
مابتكلمش
هاقولك إيه
لسانى من كتر الألم أخرس
لكن جوايه وجع وأنين
وقلبى اتخنق م البدع
ومن ظلم الجدع
يمكن يكون عدم إحساس
ومش حاسس بقلبى
وكل انينيى
حايلت الصبر ع الغربه
وعلى ايامى الصعبه
لكن برضه مش حاسس
ولا بجرحىكان لامس
نسيت كل حروف الهجاء
ومش فاكره غير حروف أسمه
تاهت عيونى ف تفاصيل رسمه
وأتألم انا من بعده
ومن عنده
ماليش غيره ولا بعده
لكن ساكته
مابتكلمش
هاقولك ايه
لسانى من كتر الألم أخرس
يروح ويغيب اقوله عيب
دا قلبى بعده
يعاند فيه ويتحدانى
فين لما كان بيوهمنى
عايش بس عشانى
يحايلنى ويترجانى
ماسيبه يوم ولا ابعد
وفجأه عنى
ولا بقلبى عاد دارى
دعيت الصبر يصبرنى
وباصرخ م الألم وابكى
وقولت اصبر نفسى اكلمه
واسمع صوته
لقتنى باجرى على التليفون
ارن عليه
لقيته بيقول مين انتى
نسى صوتى !!
مسح رقمى !!
نسى من بختى عنوانى !!
و انا تايهه و دليلي احتار
وليه ينسى اللى كان بينا
نسى اسمى واحلامنا
حتى المكان
اللى ياما اتقابلنا فيه
و غرقنى ف أحزانى
هاقول ايه
وهاعمل ايه
مع قلبى
اقوله ابعد
يرد يقولى مايهونشى
انا اللى ياما غطيته بجفونى
وكحلت عليه رمشى
مع انه نسى انى
بادووووب ف عنيه
لقتنى بامو ت
وتايهه فى السكوت
وباترجاه يكون جنبى
دى نظره منه تحيينى
وباصرخ لكن من غير صوت
ومن ألمى ومن جرحى
وم الخوف اللى جوايه
عليه وهو مش حاسس
ولو كان صخر كان لان
لكن جوايه ميت بركان
بعاند نفسى من جوه
اشد الحيل بالقوه
واصبر نفسى ع الوجع
وتوهت ولا عارفه
مين شارى
ومين بايع ومين
ع البعد هايعينى
وبترجاه يعود ليه
يسبنى تاني ف غيابك
اقوله هاااااموووووووت
لكن ساكته مابتكلمش
هاقولك ايه
لسانى من كتر الألم أخرس
=================
مابتكلمش
شعر الهام شحاتة سالم
من ديوان (( عاشقه ))
ليست هناك تعليقات:
إرسال تعليق