لمحت عينه مليانه دموع
ما هو غصب عنها بتخلف وعد
ولكن دايما مرغوب ممنوع
تتبسم تمسح ف دموعه
ما هى حاسه بوجعه ف ضلوعه
مسكت أيده قالتله أنا أسفه
أنا عمرى ما هنسى يا حبيبى
أحلامى اللى حلمتها وياك
وأكيد هتحس بتعذيبى
وأنى ف بعدك شبه الأموات
ولكن أعذرنى ده نصيبى
أبعد عنك ف كفايه عياط
......................
وبيرفع عينه يبصلها
يلاقيها بتمسح ف دموعها
عارف أنه خلاص هيسيبها
ولكنه بيتمنى رجوعها
وبيحضنها لأخر مره
ما هو عارف أنه كده مفارق
وبيشبع منها على الأخر
وف بعدها عمره ماهوش فارق
أصلها كانت بالنسبه له روح
والبعد ده هيفتح ف جروح
وف بحر هموم هيكون غارق
...................
ويقولها قبل وداعنا خلاص
نفسى أقولك كلمه أخيره
أنا مش هعرف ف البعد أعيش
والفرح ده تانى ميعرفنيش
أراى كنتى؟؟وبقيتى مفيش!!
وهيفضل حبك جوايا
وهتفضلى قمرى ف سمايا
ولكنه نصيب
وهنعمل أيه؟؟
هنسيب ونغيب
ونعيش العمر نبكى عليه
.....................
فتبص ف عينه وتقوله
أنا عمرى ف يوم ما هحب أنا حد
قد ما حبيتك يوم عمرى
ولا أسلم قلبى تانى لحد
غيرك أنت يا مالك أمرى
ولكن صدر الحكم ببعد
عيزاك تسامحنى وتعذرنى
فحضنها ولأخر مره
قام من جنبها مقهور وحزين
وسايبها ف دموع غرقانه
غصبا عنه وهيشكى لمين
وقلوبهم جواهم ماتت
حاسين عمرهم فوق الستين
#حازم_طارق
ليست هناك تعليقات:
إرسال تعليق