شعر محكي
أه والف أه يابلد
لمى كل احلامنا اللى ضاعت
امسحى الدمع من عنينا
لملمينا جوه شريانك ياغليا أحضنينا
لمى اللى باقى من ولادك
اقربى الحلم اللى راجع
وامسحى الأه والمواجع
اجمعى بين الكنايس والجوامع
يابلادى أنا عمرى ماانسى
ان حضنك ليه مرسى
لو هالف الدنيا وابعد
برضه راجع ليكى وارسى
فوق كل مدنه هايعلى الادان
وتجمعينا تانى ياحلوه زى زمان
راح نقول الله اكبر
الله اكبر
الله اكبر
ياللى حى على الفلاح
لجل مابيان الصباح
مهما الف الدنيا وارجع
القى قلبك فيه براح
جمعينا يوم حصادك
أحضنى قرحه ولادك
أنا اللى جوه القلب شايلك
سايب الدنيا وجايلك
اصل أنا من طرح نيلك
لمى اللى فاضل ياللى منا
لمينا
جمعينا
افرحى ياحببتى بينا
لجل ماتسير السفينه
لجل محمد ومينا
لجل بلدى ماتبقى احلى
يالى ياشمع الفرح قيد
علق الزينه عناقيد
نور سكه الوليد
بدل العتمه بانور
نورى العالم ياغاليه من جديد
ياللى حكلى عيونك –
بانقطه من دم الشهيد
خلى صوتك يعلى ماتسكتيش
لمى ولادك متبعتريش
لجل الفرح بينا يعيش
بكره الصعاب راح تنتهى
جمعينا حوليكى وافرحى
هانعلى صوتك بالغنى
رجعى كل اللى فات
بالدقايق والساعات
وابعدينا عن الاهات
افرحى ياللى ياحلوه
دا اللى جاى احلى
من اللى فات
ــــــــــــــــــــــــــ
الهام شحاتة
من ديوان (( أه يابلد ))
