أرسميني ــ شعر محكي || نجلاء نبيل

أرسميني جوة منك
قمرة تنور كل دار

أرسميني ضحكة حلوة
تمحي الويل ويا المرار
أرسميني وأنت شمسي
نجمة تخلي الليل نهار
أرسميني نهر يجري

يطفي فيكي أي نار
شمس ساطعة ويا نسمه
تدفي بيها كل جار
أرسميني لاء خديني
خليني ليك فنار
خلي شراع الحب يطرح
نجم عالي في البحار
يرسم شعاعه عقد غالي
لؤلؤ وساكن في المحار
أصنعي بصمتك شموخنا
حرري فينا الخيار
عرفي كل الأجيال
نبتدي منين المشوار
أحكيلهم تاريخ جددنا
وأزاي حفروه ع الجدار
وريهم أزاي هنبقى
في الدنيا كلها احرار
أرسمي جنود بلادنا
صنعوا بايدهم الأنتصار
حاربوا علشان ولادنا
مايشوفوا تاني المرار
يرجعوا شباب رجولة
ويدافعوا عن الديار
قوليلهم دا مينا مصري
وللمسيح كان الفرار
وأن محمد لينا هادي
عمره ما نادى بالدمار
من هنا هتبقي أنت
أمنا وتعطي القرار
علميهم أن أنت
أصل كل خير وعمار