واللى فيه الدنيا غنت. ......والزمان فرحنا بيه
الطريق دا مش ناسينى......كل ساعه بينادينى
للطريق دا بلتقينى ........كل ماده يزيد حنينى
كل مابعد عنه خطوه. ......الف خطوه يقربونى
لسه فاكر كل همسه........... كل لمسه من إديك
كل كلمه حلوه منك........ ضحكتك نظرة عنيك
اشتياقى ف قربى منك.. لهفتى وخوفى عليك
إنت فاكر بعدى عنك. ........غير الأشواق إليك
.........................................
كل حاجه فى الطريق دا ...ذكريات بتصحى حبى
الف حاجه فكرتنى. ....باللى فات وبكيت يا قلبى
الشجر دا كان يشوفنا......... واحنا لسه بعيد يزهر
والطيور ترقص تغنى...... ع الغصون والشدو يكتر
والقمر دا كان يجيلنا............ لو أواخر شهره يظهر
مهما غبنا ينتظرنا .............وف عيونا كان بيسهر
..................................................
كل حاجه فى الطريق دا... لسه باقيه هيه هيه
كل حاجه قصاد عنيه..... لسه حاسه بيك وبيه
الشجر دبلت زهوره. ع الغصون من شوقه لينا
والقمر بيدارى نوره. ......والطيور نامت حزينه
.................................................
كل مامشى خطوه ارجع فى الخيال أمشى خطاوى
لسه من فرحتنا بسمع.......... ع الشجر رجع الغناوى
ياللى بعدك بكى قلبى.......... لسه ليه ع الهجر ناوى
لما تبقى جروحى منك. ......يبقى مين غيرك يداوى
....................................................
الشجر دا تحت ظله...... عشنا أحلى الذكريات
عاش معانا الحب كله...... بالدقا يق والساعات
يا ما شاف فرحة عنينا. ياما دارى كتير علينا
م الهوى دارى علينا. .......م المطر ظلل علينا
الشجردا هيحكى قصة...... حبنا طول السنين
آدى قلبى آدى قلبك......... جوه منه محفورين
لسه قلبى ف حضن قلبك.... بالمحبه فرحانين
احنا بالأجسام بنبعد................أما همه قريبين
لما شافو الهجر منا....... يا حبيبى استغنو عنا
.............................................. ..
انت فاكر بعدى عنك. ............غير الأشواق إليك
لأ يا قلبى لأياعمرى. .........ياللى روح القلب فيك
عمرى مانسى أحلى فرحه .عاشها قلبى بين إديك
انت دنيايا الجميله........ اللى ضحكتلى ف عنيك
قبل منك عشت أحلم. ........والتقيت الحلم فيك
كل أشواقى وحبى.............. حتى آخر عمرى ليك
عمرى مانسى احلى فرحه عاشها قلبى بين إديك
شعر.د.مختار أحمد هلال
ليست هناك تعليقات:
إرسال تعليق