جدار الصمت والكلمة عليه بتموتسكوت فى سكوت
وصوت الاقصي بينادى
بصوت مخفوت
جريح والدمع بيجرّح
نهار ميّت سلام ميّت
وليل شارب سواد فى دروب
وريحه الموت على الابواب
ومكسيه الحياة بالموت
وغاب الفجر يا اقصي
وراح لما
صلاح الدين وفات فجرك
ومجلس امن ظالمنا
وم الفيتو الالاف فيتو ولا كنا
فى يوم على حق
ده ديب الظلم
وبينهش فى كلمة حق
وراح الحق مش راجع
ولا بنا صلاح راجع
وامتى يعود امام الحق
يجمعنا يجمّعنا
ويقتل ليل هنا طارح
على جروحنا
دة مالّت روحنا اوجعنا
صرخنا بصوت
وصوت الحق ودّعنا
كلاب صهيون على دموعنا
يذيد الجرح وبتعلى الصروح تعلى
وبيغرب نهار الفرح
وانا واقف على امل اللى راح يرجّع
صلاح الدين فى يوم يظهر
يجمّعنا على كلمة شروق الفجر
حريه قيود الاقصي يوم تنفك
قريب اليوم يا كلمة حق
قريب اليوم يا كلمة حق
بقلم الشاعر المصري/احمد ابراهيم
ليست هناك تعليقات:
إرسال تعليق