وصبحني ببسمه وعايدني
*امسكني من إيدي بتسعدني
وصادقني بحبك ووعدني..
* تكون رفيقي وتساعدني
بمشوار العمر وتسمعني..
*بحترمك أكتر صدقني
وبترتاح وبتريحني..
*وبتكبر بعيون الحب
ودوم بتسمع ياتقبرني..
**
كفني بحبك وادفني
وإصحى من القبر تطالعني..
*ودفيني بضمة ودوبني
ورجاع بحضنك لملمني..
*وحسسني إني إنسان
وحقي عيش ولاتحاصرني....
*مابخونك وحياة الرب
ولو كنت البالة ملبسني..
**
كون الأخ..وكون الأب
واستوعبني ولاتظلمني..
*بصرلك متل طحين ومي
وعاكيفك دوم بتعجني..
*وبكون الخبز بتنورك
وبجمراتك بتقمرني..
*لاتستعبد فيني الأنثى
ولاتبكيني وتستضعفني..
*وخلي حنيتك مشوار
وعز البسني ولاتشلحني
*ومتل النسمة تهفهف فيني
وطير نسمات وهفهفني..
*وخلي رجوليتك بالفكر
ان كان بدك تبقى عاجبني.
..............
جمال القجة
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.