عيدي السنة دي
بارد وعادي
غير كل سنة
طب هان عليكي
يفوت يوم ميلادي
ولا حتى كلمة
حنينة؟
.
.
ازاي تنسيه وتنسيني
وكنتي بورد
غنا ودباديب تهنيني؟
ايه اللي شاغلك يا ترى
الساعة واقفة بدنيتك
ولا النتيجة مأخره؟
••
هيه:
أنا مش نسيت
ولا عمري هنسى
وتاريخ ميلادك
جوايا لسه
بس اعمل ايه
ووجعي في قلبي
يقتل حنيني
ويجبرني أقسى
.
.
وانا هعمل ايه
وانت وميلادك
بقيت لغيري
لا حقي أفرح
ولا حقي اعايد
ولا حقك انت
تعرف مصيري؟
.
.
إن كنت عاتب
إني في يومك
بعيدة عنك
أنا كنت ببكي
في يوم ميلادك
وشايلة همك
ولما العقارب دقت طناشر
نبضي فارقني
وبقى حتة منك
وكنت حاسة بروحك شايفني
ما انا ساكنة دمك
.
.
وفي اليوم دا هوه
هبعت رسالتي
مع غيمة زرقا
أو نجمة مارقه
عارفة بحكايتي
توّصل سلامي
و طفّي شمعة
على ضيّ سيرتي
وانا مش بعيدة
رغم الفراق
ورغم غيرتي
حفضل أحبك
واكبر معاك
لو آخر وقتي
•••••••••••••••••
إيمان ابو الهيجاء
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.