خلي حبك إلي يفتح زهر
يشرق شمس
يطيب الجروح
أنت الوطن ومسكنك سواد العين جوا القلب والروح
محتاجة صدرك يغمرني دفا يهدي إعصار الهوى
يهدي الألم يصرلي دوا
يزرعني بشطآنك حبق يغزلي من رمش عينك شال
يحميني من برد الشتي
بدي ياك تكون شمسي
قمري وليلي وروحي ونفسي
بدي عيونك تبقى قدسي
مرغ بشفاف الحلم وردة خدودي وسافر فوق عيوني
ضلك حدي
من الوحشة ياقلبي بخاف بدد خوفي بأحلا لمسة
ودياني عمتناديك وجبالي ياحبيبي ليك
سهلي وسفحي ملك إيديك
هالعمر طاحونة بتلف وبتدور
وبتطحن الحلم الوردي
وهالقلب مندور
صوتي من كتر الوجع ياروحي مجروح
اكتبني بحرفك قصة فرح
متل الحلم ارسمني عشق
وخلي العمر بالفلا مشلوح
لاتسألني إن كنت بحبك
دربي ملاحق خطاوي دربك
اسأل العصافير ووراق الشجر
بتقلك حبيبي مليت السفر
تحت فيي عيوني هالعرس اعملو تنحلق وتحلا اعراس الحلا
اغزلني وردة سحرية
تربع بكل مساحاتي وخلي رياحك تهدر فيي
ارسمني قوس قزح وغرد بأحلامي وآهاتي المنسية
لتزهر من ضلعك شمس تبعت فيي كل الدفا
هيفاء محمود السعدي
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.