شَمْس الدّنيا _ شعر محكي | تركي ادريس ـ سوريا

شَمْس الدّنيا هَلْ قدامي

عَم ْ بتحاكيني بالشّامِي .

قالتلي ولَكْ تؤبر ئلبي

تؤْبشْني انتي أحلامي .

انتي بَسْمةْ عيني وروحي .....

انتي بَلْسمْ يشفي جروحي .....


لا تئلّي من ئبالي روحي .....

يا فرحةْ عُمْري وأيّامي .

ما فيي أبعد أو غيبْ .....

ما بدّي غيركْ حبيبْ .....

شَمْسِي بعيونكْ مَتْغيبْ .....

يا أغْلى كلمي بانْغامي .

قالتلي ولَكْ تشكُلْ آسي .....

يا روحي ياتاجْ راسي .....

حُبَّكْ محفور بألماسي .....

عا ئلْبي وخدّي وأيّامي .

قالتلي كتبني قصيدي .....

حُبَّكْ والله مو بإيدي .....

انتي بدمّي وبوريدي .....

يا ئلبي تؤبر عضامي .

........ قلْتلّا .......

بحَكْيكْ والله خجّلْتيني .....

يا بَسْمةٰ قلبي يا عيني .....

تَعِي لَ لفِّكْ بحضيني .....

وغنّيلِكْ طير الحمامي .

سرَقْتي أشواقي وإحساسي .....

ونَبضْ قلبي مَعْ أنفاسي .....

قبالي عَمْ شوفِكْ بالْكاسي .....

وأحلى عصفورة بمنامي .

لَمَّا بشوفِكْ وبْحَاكيكي .....

بشوفْ الدّنيا مْرَاييْ فيكي .....

فوتي عا قلْبي بخبِّيكي .....

وارتاحي وعا زنْدي نامي .

انْتي هَالدّنيا وأشْجَارا .....

عصافيرا ورودَ وأزهارا .....

غَيْمَاتا انْتي وأمْطارا .....

وانْتِي أجْمَلْ الأسامي .

انْتِي الْجَنِّي الْعَايشْ فيها .....

بَدّْي برموشي داريها .....

ومَا خَلّي حَدَا يحاكيها .....

وْتغْفي بعيوني وتْنامي .

شعر/ تركي ادريس/ ..... / سوريا /....