واحد حب طيفك
طيبيني من روايح مسك
ريحك واندهيني
هتلاقينى بين رموشك
فوق جبينك سكّنينى
جوة عينك واعشقيني
لو يطول البعد عنك
مش هسافر غير لعشقك
لو يغيب الليل موافق
بعد ليلك يوم هيرّجع ليا فجرك
وانتى جاية بتحضنيني
ايوة عارف ايوة حاسس
جوة عينى ايوة شايف
ضؤ فى شمسك
ايوة حسّك
بين عيون القلب شيفك
بين خطاوي العمر اسمك
بين غناوي النبض حبك
بين نجوم الفرح رسمك
مش هاعيش غير بس ليكى
مهما طال البعد فكرك
مهما ذاد الحمل هقدر
انى اصبر بس هعبّر ليكى
واسكن بين رموشك
جوة ننك جوة قلبك
يومها هسمع اسمى
طالع بين شفايفك
بينادينى هتلاقينى
فجاءة مرمي جوة حضنك
يا حياة فرحه لسنينى
بعشقك
وانتى ايوة بتعشقينى
اكتبينى بين سطور العشق
واحد حب طيفك
طيبيني من روايح مسك
ريحك واندهيني
بقلم الشاعر المصري/احمد ابراهيم
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.