وابني راح والتمن
دمع ف عيون مالي
يا شمعه نور وانطفت
يا جرح احزاني
قلبي الحزين انتفض
لما الوليد اتبابع
بالرخص مش غالي
أصرخي اعّلي بصوتك اصرخي
بصوتك العالي
يمكن ف يوم يتسمّع
او يتسجن او يندفن
لسه المرار برياح
والريح كمان عاتي
جسد العرب اندفن
من كام زمن
وانا صوتى بينادي
بس البكي مغرّق
انا توبي ف حدادي
لون السواد اتكتب
بين الحدود وبقول
هو المرار ممدود
جسد العرب محطوط
عايش هناك فى تبوت
ولا يوم وكان داري
ابني يموت يندفت
ثمنه ومش غالي
يا عربي فين نخوتك
يا عربي فين قوتك
دمك ومش حامي
يا ساكن الابراج
فيه لسه بينا كلام
هو الحمام راح فين
طار الحمام وبكام
الفرد منه بكام راح السلام
والتمن هو التمن موتى
فوق الركام ممدود
جسدي ومات صوتى
يا ساكن الابراج والنفط والمغني
اسمي انا فلسطين
ولا ليها يوم معني
ابني هنا ميّت صرخة بتحكي تاريخ
ومين هيسمعنا
يا ساكن الابراج والنفط والاوهام
اصحي وفوق ده كبوس
هيدور عليك زمني وبالرخيص تتباع
فى نهاية الرحله
جسد العرب مدفون
امتي فى يوم يصحى
امتي فى يوم يصحى
الشاعر المصري / احمد ابراهيم
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.