عم تحرقني كتير ونتفي
هالنار الولعت.... بصلنفة
عم يقهرني خوفي عليا
ياربي دخلك .... بيكفي
من بيروت وحتى الشام
وحتى كل شبر وكل شقفة
شعلانة بفعل......... الظلام
الما عندن شرف ولاعفة
شو قسى قلب الزمان
تالعيشة صارت مختلفة
توب لي اسمو .... أمان
تمزق بالعلن وعالمخفي
يابلادي نحنا الخيطان
فساطينك من روحي وشرفي
و يسمين الي عل الحيطان
ليكو متعمشق عاكتفي
عليكي إنت دايم دوم
قلبي عم يخفق و بلهفة
بلا اسمك اسمي معدوم
سورية متلك.. أبدا مافي
سورية.... حتى الأحزان
عم تخلق صارت فيا
وحتى الخيبة والخذلان
جيران....بتمقطع... فيا
مايهمك ياتاج الراس
لعيونك هالروح قطفة
تراباتك أغلى من ماس
وجسمي بخبزلك رغفة
بكرى هالأزمة....بتنقاس
بالناس بأفعال ...نظيفة
بتلاقي السوري مقياس
وكل لمن بعدو... عيفي
-
*نرجس عمران
سورية
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.