اخترت لكم كسرة ميجانا
وهلق تا نرجع لعبادة ربنا
ليزر عيونك صوب عيني ولفيه
تاتعرفي أسرار قلبي واللي فيه
فاضي فؤادك ياحياتي ولافيه
غيري سبقني وقطف زهور الهنا
⏪2
قال لها عندما ظهر التغيير على مشاعرها
بمطلع ربيع الصبا
لا تشغليني. وتشغلي. بالك
… ..كتار اللي صاروا متل امثالك
ما بتعرفي من الحب إلا حروف
… ..عيدي النظر تا تعرفي حالك
قلبك ع حب .التسليه .ملهوف
… ..ما بتشتريني بكل أموالك
فيكي بمالك. تشتري خاروف
..ومطرح ما إسمي كان بالجوال
… ..حطي اسم تاني بجوالك….
⏪3
عاتبونا عشاق العتابا
منرجع شباب ان غازلونأ حبأبينا
سبع. سباع سابعهم. وسبعه
سبعت سباعها واسبعت سبعا
سبعت سابع .سباعا. وسبعه
من جروح الهوى بهاك الهداب……
منبقى أوادم مع صبايا بلادنا
⏪4
يامودع. الأحباب. مشوارك. بعيد
وساعة وداعك بكيت حروف القصيد
أختارك الاه. الكون. ع .جنة عدن
تحمل شهاده مقدسه وإسمك شهيد
⏪5
شاعر عشت يعتز فيّ منصبي
والناس عرفوني ضليع ومنصبي
وبهلعصر شايف عجايب من صبي
حصّل مكانه عاليه ع كتافنا
لا تواخذونا جرحونا حبابينا
⏪6
يا حيف قلبي هلبلاد تبور
…... .والنار فيها تنطفي والنور
وسكان كانوا يعشقوا الأوطان
..عميشتكوا من التاجر المسعور
مات الضمير وتيتم الإنسان
…… والإنسانيه خاطرا مكسور
⏪7
العيب باميزان
لو يا غشيم الناس نادوني
...منهم ما بزعل هيك شافوني
يمكن أنا عمبدعي فهمان
..وغفيان عن مخزون مضموني
راجعت حالي ما اطلعت غلطان
..ولا شفت غشمي بكل مخزوني
طلعت بنتيجه العيب بالميزان
… الفيه البشر صاروا يوزنوني
⏪8
دخلك يا ستي ليس محزونه
… .البسمه ع تمك اليوم مدفونه
يا هلترى شو اللي جرى و شوصار
… دخلك قوليلي ريحي ظنوني
قالت يا إبني جايه تسألني
… .عشو دخلك إفرح وغني
ولادي بغربه بعدوا عني
… .وصارت حياتي هموم مشحونه
⏪9
يا ربي أشفع بالشعب وبلادنا
عشنا للقيم أهل ومعاذيب
ومدري ليش صفينا معاذيب
لا تعجب لو شفت نعجه معاذيب
وقسم من البشر صاروا دياب
يا رب جعنا و جوعوا أولادنا
⏪10
خسارة شعوبنا فيكن خسارة
بحق اوطانا صرتو خناجر
شطارة تجوعو بلادي شطارة
صار الغاز بايد ال بتاجر
وفقير البيت بيذوق المرارة
وعلى المازوت عبتصرخ حناجر
عذاب وذل من حارة ل حارة
بيجي مسؤول ومبيض طناجر
على الشاشات بقول بعبارة
عنا غاز ملياني المحاجر
وجوا بيوت هالشعب المعاني
ياريتو يفوت يعمل شي زيارة
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.