أن اجمل الأشياء هي التي يقترحها الجنون - - ويكتبها العقل ؛؛ بلاش تخلي اي تعب أو إرهاق نفسي يضيع ويفقدك الطفل اللي جواك
اتعب وعيط وزعق ؛؛ وطلع كل اللي مضايقك في أكثر حاجه بتحبها
في الرسم.. في الكتابه ..في المزيكا في شخبطه على على كراسه
المهم تطلع غلك وتعبك في حاجه وما تكتمهوش جواك
لأن الكتمان مره في مره بيضيع منك
جزء حلو منك مايتعوضش منها راحة بالك وفرحتك وفرحة قلبك
والاهم من دا كله بيضيع ضحكتك اللي هي أهم حاجه
وبتخليك انسان بارد معندكش اي احساس باي حاجه حلوه بتحصلك.
وبيضيع احساسك بالطفوله الجميله اللي جواك
أعني اللي هو زي الطفل تفرح بأقل حاجه وجنانك اللي بيحصلك بفرحتك دي
ودا كله حيضيع وكل دا ليه على حاجات ما تستاهلش
حاجات ربنا يقدر يعوضك بأحسن منها بكثير.
افرح واتجنن وبلاش تخلي في نفسك حاجه
عشان ما تندمش انك ما عملتهاش
مادام مش عيب ولا حرام ولا غلط
يبقى اعملها وافرح - - - الدنيا بتتعاش مره واحده
عيشها بالطريقه اللي تريحك وتفرحك انت
طالما أنك ما بتإذيش حد
اثبت وجودك في اي مكان تروحه بكلمه حلوه
أو بفعل طيب .. أو بدعوه من القلب
باي حاجه بس سيب طيفك في المكان حتى بعد ما تمشي وتسيبه حيفضل جميل وعطر وجودك حيدوم
اعمل اي حاجه تفرحك وتطلعك من مود الكآبه وتبسطك
اجلس مع الناس الصح اللي بترتاح معاهم نفسيا
اللي هما لو قعدت معاهم على الرصيف تفرحوا سوي وتضحك من قلبك
بجد تضحك معاهم كتير ضحك ينسيك اي لحظة زعل أو ضيق
سيأتي يوم وتجد من يضحي من أجل ابتسامه يرسمها على وجهك
فلا تغلق أبواب قلبك
فليس كل من يدقها ينوي جرحها
لا تحزن عندما يهجرك أو يتغير عليك البعض
ربما هي دعوتك ذات ليله
واصرف عني شر ما قضيت
*زينب محمد
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.