ويبقى الدمع
شادد صبيعو منيح
وعم بختنق ..
عم موت
عم بوجَع
وصوتي بيوقع ..
قبل ما يطلع
وبيّن مرا
عم ترقص ب هالريح
رقصة ورق
عالأرض رح يوقع
وببقى متل هون ..
وأنا مش هون
وعم جرّ حالي
وفوت عا حالي
وبعرف ..لا بهتمّ
ولا عا بالي
وأنجق ..
بعد باقي بوجّي لون
من كتر ما شدّيت بخيالي
وما في تراب يساعني
ولا موت
ولا خيط
روحي فيه علّقني
طالع ع بالي الحب
يسرقني
رح فوت عا موتي
بلا "وْلا صوت "
وأنطر إله جديد يخلقني
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.