سني شيعي، ماتفرقنه الأسامي
شيعي سني آني مِنك وانته مِني
آني سيفك وانته سيفي
أني درعك وانته درعي
وآني من يفرح إلك
وآني من يمسح دموعك وانته من يمسح بدمعي
إحنا صرنا وللأبد صوت واحد، قوة وحدة بالمحن
ولو خبر مؤسفٍ عنك ورد سمعي
أحزن هوايه عليك ياأخي يابن العراق
ياحبيبي بالوطن.
-
إحنا وِلدك ياعراق
من كل الأديان واللغات
حتى لو نُجبر نعيش بالمنافي والشتات
نبقى وِلدك نبقى أهلك ياعراق.
-
نقسم بدمك ياعراقي ياشهيد
جنة ومحبة وخير أيصير العراق
ومثل ماگالوها الربُع
الأبطال في ميادين التظاهر الأباة
أحنا ملينا الصبر
تبدت سنين العمر
ولازم يصير الأمر
شَلعٌ وقلع.
-
وماتفرقنه الأسامي
شيعي سني آني مِنك وانته مِني
آني سيفك وانته سيفي
آني درعك وانته درعي.
*فاضل صَبّار البياتي
السويد
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.