ربّى..
هِىَّ هِىَّ..
نُقْطة الضّعْفِ اللى بِيّا..!
هِىَّ إنْتِ..
اللى لِسّه بَعيشها نُور عِينَيّا..!
هىَّ إنْتِ..
بتمُرّ أمامى
ولِسّه بتقول:
بَرْضه مِش شَايْفانى..!
وبشوفها طفل
طفل وبِيِشْحَت حِنّيّا..!
عايْز أصرخُ:
ـ ياحبيبى
دَه إنْت
اللى جِوّايا بدَمّى
رايْحة جَايّا
قمحايْا بتفتح
وسُنْبُلة مستويّا..!
،،،،،
ربّى..
هِىَّ هِىَّ..
نقطةُ الضّعف اللى فيّا..!
إيه ذَنْبى
أتعذّب بحُبّ
يِبْعد.. يِقرّب
صَمْته جَرْح
يِشَرّق ويِغَرّب
لا فِ يوم بقلبه سِمِعنى
ولا عُمْره
نادى عَليّا..!
ولمّا جِه يِلْمِس إيديّا
شويّة شويّة
وحِتّة حِتّة
بِيِحْرَق فِيّا..!
،،،،،
رَبّى..
هِىَّ هِىَّ..
نُقطة الضّعف اللى بِيّا..!
مايّة..
وبتِهْرِب بين إيديّا..!
عارفه إنّه حُبّى
وحُبّه ساجنّى..!
فى قلبه بَسّ
ومِخَبّى
مُفْتاح الحُرْيّة..!
إيه ذَنْبى
وبآخر عُمْرى
تكون أكْتَر مِنْ حُبّى
لا قادر يِفَارق
ولا قادر يِصَدّق
إنّك حبيبى
وإنّك الحُبّ اللى
مِشْ لِيّا..!
،،،،،
هِىَّ دِى
هِىَّ دِى
نُقْطِة الضّعف اللى بِيّا..!
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.