الصداقة نعمة غالية
ربنا اللي وهبها لينا
يلا نعلنها مبادرة
كلنا نهتم بيها
الصداقة عملة نادرة
والرسول وصانا بيها
وبإيدينا إحنا نراعيها
أو نضيعها بإيدينا
الصديق واجب يضحي
لجل ما يساعد صديقه
زي ماهو وياه في فرحه
يبقى برضه معاه في ضيقه
الصداقة كن لي وأكون لك
حس بيا وأحس بيك
لما أسمع حاجة عنك
أجرى وأطمن عليك
الصداقة نعمة غالية
ربنا اللي وهبها لينا
يلا نعلنها مبادرة
كلنا نهتم بيها
بالصداقة الدنيا تحلي
والحياة تحلى في عينينا
الخليفة أبو بكر سيدنا
هو كان صديق نبينا
كان معاه دايما يسانده
عمره يوم ماخلف له وعده
عاش معاه حزنه وفرحه
لحد آخر يوم في عهده
الصداقة نعمة غالية
ربنا اللي وهبها لينا
يلا نعلنها مبادرة
كلنا نهتم بيها
علمونا في مدرستنا
الصداقة أغلى شئ
والمبادئ والأمانة
دول هداية للطريق
الحياة مش فرد واحد
محتاجين روح الفريق
الصداقة نعمة غالية
ربنا اللي وهبها لينا
يلا نعلنها مبادرة
كلنا نهتم بيها.
* رزق جادو
مصر ..دمياط
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.