أنا الجانى ومجنى عليه
وانا الشاهد
أنا اللى مصحفه بإيديه
ويتشاهد
أنا اللى كلمته مش ليه
ويتواعد
أنا اللى مال بخته بإيديه
وعاش شارد
أنا الفرحان بقولة بيه
ويتمارد
أنا الغلبان وعيشته ايه
كما الوالد
أنا الضايع ودربه التيه
أنا الفائد
أنا اللى شعلقوا رجليه
عشان فاسد
أنا المحظوظ قبلت البيه
وخير وارد
أنا اللى أى شئ يرضيه
بدون عائد
أنا اللى كل حاجة ليه
أنا القائد
أنا اللى ثورته مش ليه
وبتبارد
أنا الشعب اللى مد ايديه
ويتعاهد
عشان بكرة يمن عليه
بخير زايد
عشان يأمن كيد أعاديه
يعيش خالد
عشان الظلم يسيب أراضيه
ولا يعاود
أنا الشعب بكل بنيه
شباب صاعد
وشجر السلم يزرع فيه
حمام فارد
وكل الدنيا ترتاح ليه
كريم رائد
أنا فى كل مكان تلاقيه
أنا الصامد
*وائل سعيد
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.