سهرانه بفكر فيك
وبدمع العين بناديك
ليه تبعد قوى عن عينى ؟
ارجع ـ الله يخليك !!
دنا ـ ليلى نهاري بقول
وبفكر إمتى تعود ؟؟
ليه تتعب قلبى ليه ؟؟
وتحير عقلي معاك
تعالى ـ لى ياقلبي قوام
وبلاش الغيبه تطول
ونعاتب ف الايام
ونقول دا الحظ أراد
نفضل ف فراق على طول
تعالي ــ لي نسد الباب
وقوام نرجع أحباب
ونغنى اغانى الشوق
نرفع ارواحنا لفوق
ونطير ويا العصافير
ونقول رجعت ايامنا
وها تتحقق أحلامنا
نهدى للورد سلامنا
ونغنى مع الكروان
ونقول اه ياليلي يا عين
ماخلاص اصبحنا أحباب
قلبك خبط ع الباب
وقال لى : النوبه سماح
دا عنيكى دا أحلى صباح
وامتى ترجع ليالينا
والقلب يعيش مررتاح
ياللا نعيش الأفراح
وفراقنا نقوله سلام
ونعيش أجمل أيام
ياللا ــ تعلالي قوام
تعلالي بسرعه قوام
نحضن في ايدين بعضينا
ونطير ويا الاحلام
*ليالي أحمد الأسعد
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.