صرتي مراية مكسّرة؟؟
وكل يوم فيكي بينكسر مطرح؟
اصعب وجع ..ما بينقرا
عم تندبح فيكي المرا
وعم تغمري سكّين
عم يجرح ..
وما في حدا عم يلمحك
لِمْ يختنق صوتك
قومي لبسي وج الضحك
واستقبلي موتك
قناني خمر جايب معو
ودخّان
وجسمِك رغيف بيشبعو..
وجوعان.
قومي اخبزي حالك ع صاج
الوقت
وتزيّني بالسكت
وضبّي ال مرا ال بتوجعك
وتضحّكي..
ما في حكي....
خلي الجرح يرقص معك
عا هزهزة ..تخت البكي
* زينب حمادة
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.