يا حلوة الحلوين
يا نبع الهوى
إنتي لقلبي علتو
وإنتي الدوا
إنتي بعتم الليل
نجمة ضاويه
وقلبي إلك مشتاق
تا نقعد سوى
جايي لعندك جاي
تا إسهر معك
وأجمل كلام الحب
بدي سمعك
يا حلوة العينين
قلبي عاشقك
ومن نبع حبك
بعدو قلبي ما ارتوى
...................
سوريا الحب
بنت الحسب والنسب
إسما عنور الشمس
مطرز بالقصب
أحلى صبيه
وأحلى أرض بهالدنه
فيها الأصاله
وفيها الأخلاق الدهب
بلد اليسمين
والورود ملونه
فيها الدروب
وبالضياء مزينه
ورجالا صيد
وبالمحبة مصونه
وفيها الكروم
وفيها عرايش عنب
.....................
رح كللك بالغار
وإكتبلك شعر
ورح لبسك خلخال
من نور البدر
وأحلى قصايد حب
واكتبلك غزل
خلي الصبايا تغار
تطق من القهر
إنتي المحبه
والغرام الأولي
وإنتي الأميره
والعيون مكحله
إنتي سحر هالكون
يا أحلى قمر
وإنتي بدر نيسان
والنور الجلي
*د . ملك محمود الأصفر
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.