⏫⏬
هالقهوة اللي بالفنجانمنظرها شو بيرقلي
بشربها بفية الدار
بالصبحية على مهلي
بسقيها لكل الزوار
منهم أصحابي وأهلي
محلى منظرها ياناس
لما عالنار بتغلي
....................
اشتريتا حبات البن
وكانت ألوانا خضرا
وحمصتا من فوق النار
تا صارت لونا شقرا
وضفتلا حبات الهال
الحلوة وبريحة عطرا
وطحنتا عندي بالبيت
تا ضيفها للأمرا
...................
حطيت الركوة عالنار
حتى غليت بالمية
وضفتلا القهوة بمقدار
وخليتا تغلي شوية
وسكبتا بأحلى فنجان
وحطيتا عالصينية
وسقيتا لكل السمار
وقعدنا قعدة هنية
...................
القهوة شو طيبة ياناس
بيشربها غني وفقير
منضيفها بالأفراح
للملك وللأمير
بتنشط دورة الدم
وبتنعش قلبك لكبير
لكن بضمن المعقول
لا تزيد الكمية كتير
*د. ملك محمود الأصفر
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.