وطعامنا من طعم الجنة
عشنا فيكي وترابك
اتروى من دمنا واتحنى
علشان تعيشي قوية
مرفوعة فوق الكل
أنت الوطن والأمان يا أمه
دا أنت م الرحمن منة
وصي يا أمه بالصبر أمي
قوليلها بلاش تبكى
إبنك مماتش ي أم الشيد
قوليلها إننا ساكنين الجنة
وزوجاتنا حور م الجنة
ولو عشنا ورجعنا الدنيا
كنا تاني للشهادة هنتمنى
دا يوم الشهادة ف عنينا عيد
وسعادة شايفينها جاية
بترفرف علينا من بعيد
وأخواتنا فايتنهم نور لعنيكي
ونهارهم زهر يفوح حواليكي
وبدر ليلهم قادوه ليكي
نسخة تانية منا بالكربون
اترو بحبك فعشقوكي
وحلفوا بدمهم يفدوكي
على حدودك زي النهار
بايد رافعين حد السما رايتك
وفي التانية رصاصهم حي
إحنا يا أمه في عنيهم
بصلهم هتشوفينا فيهم
حني قلبك من جمالهم
قبل يا أمه ما يفوتوكي
حالفين ليجيبو تارك
ويطفوا بدمهم نارك
ويقطعوا اللي يقربلك
أو يفكر بالشر يمسك
ويلوث بخستوا عرضك
أدعي ربنا يحميهم
ويطرح الخير دايما فيهم
كمان فرحي أمي بشريها
إننا بأمر الرحمن هنتقابل سوى
وهنعيش كمان ف جنته ونتهنى
*وفاء يوسف
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.