شو بدك من جميلة الخمار
يلي بيصرلو ياكل عناقيد
ليش تا يغلي العنب عاالنار
يا شارب الدمعة اذا بتريد
ودي الي من دمعتك تذكار
يا ليل همي حاجتك تهديد
من عبسة جبينك عطيني نهار
وانت يا سوريا يا حلم الغيد
يا زوغة الفجر بعرس اطيار
فيكي سحر هاروت وكيوبيد
فيكي القواقي وهيكل الأفكار
الشعر عنك قيمتو بتزيد
وكل شي وقع بمحبتك شعار
مكتوب فيكي احذروا التقليد
وعا بيدرك غربال للأشعار
حبك بقلبي من زمان بعيد
من وقت ما كانو رياشي زغار
يا جنة الأ وطان...عن تأكيد
الله خلق فيكي عياد كتار
تشرين للتحرير أكبر عيد
وبعدو ثلاث عياد أد الكون
عيد الحلا والشعر والازهار
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.