وبقدر عيش بهالبرية
تحت السما فوق الأرض
إسرح إمرح وبحرية
ومن هالغيمة بشرب مي
وبضحك للشمس الدهبية
بس الحلم بيبقى حلم
متل الهوى ومتل المية
......................
عم إحلم إني عصفورة
بقدر طير بهالوديان
بفيق من الصبح بكير
بتنقل بين الأغصان
بصدح بأحلى غنية
وبسبح رب الأكوان
لكن الحقيقة مرة
والحلم مالو عنوان
........................
عم إحلم لو إني نسمة
عم إسرح فوق بهالعالي
وعشفافي في أحلى ضحكة
وما بخشى عتم الليالي
فوق النجمة بعمل جولة
وعالقمر بوصل لحالي
حتى الغيمات بحركها
وبخليها متل خيالي
.........................
عم إحلم عيش بعفوية
وشوف الدنية بالألوان
إتذوق طعم الحرية
البحلم فيها من زمان
لكن هالدنية غدارة
أبدا ما إلها أمان
سرقت مني حتى البسمة
وزرعت بقلبي الأحزان
.............
د . ملك محمود الأصفر
.
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.