مش طايقة بعض ليه
اللى أخوك اليوم
بين العدا تلاقيه
وصاحب الصلا والصوم
فى القرش قرش وتيه
واللى عامل نعسان
لو رحت يوم تراضيه
صاحى قوى ونبهان
لو كان عطا تعطيه
صاحب لولى ومرجان
طمعان فى نص جنيه
واللى فقير إحسان
فى الحزن راح تلاقيه
كريم قوى ومنان
اسبوع وفين تلاقيه
شبعان وكان جوعان
بيعض اللى حن عليه
واللى انيصت لو خان
رزق وربه عاطيه
مين ينصر الغلبان
والكل عامل بيه
فين راحت الخلان
سؤال جاوبنى عليه
والأهل والجيران
بعدت حدودهم ليه
لو نقص فى الايمان
ربك كريم يهديه
أصل الحياة توهان
خلاط ضميرنا فيه
وربنا الرحمن
آخر المطاف نلاقيه
بالبر والإحسان
يمكن نعدى بيه
......
وائل سعيد
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.