شي زهرة برية
وسقيني شهد الحب
يا حبيبتي يومية
غفيني بين جفون
وعيون عسلية
نسيني كل الكون
وتغلغلي فيي
.............................
قلتلو إنت هون
بقلبي غافي
إنت نبض هالقلب
وإنت الدوا الشافي
إنت ربيع العمر
وكاس الهوى الصافي
وإنت عبير الروح
وغنية ع شفافي
..............................
قللي أنا مشتاق
ضمك بإيديي
وقدم نجوم الليل
لعيونك هدية
قلبي بحبك داب
لا تبخلي عليي
يا أم الضفاير سود
وخدود وردية
................................
قلتلو أحلى كلام
نابع من شغافي
أحلى من همس البحر
ونسيمو الدافي
واكتبت أحلى شعر
من أحلى القوافي
وقلتلو إنت العمر
وبرقتك مافي
.......................
ملك الأصفر
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.