فوق الروابى والحصون
جوه العيون ..
كانت دموعك شمعه فى ليل السكون
وإيديك ما زالت ..
حاضنه فى ( المصحف ) .. برعشه مؤمنه
ليلة الوداع .. ما كانتش أبدا محزنه
كان يوم فرح واللى انجرح .. هو أنا
هو اللى نادى عليك بشوق
روحك يا صاحبى يا غالى فوق .. ويا النجوم
ونقوم كتير م النوم ..
ونحكى الحلم عنك يا غريب
ما انت الحبيب .. وانت اللى عازف لحننا
مش ( محزنه )
ولا قصه كانت ( مُحزنه ) ..
دى مقدره
ونجوم فى حضن هلال ..
فى ليل القاهره
ام العيون الساهره
ام الرموش الساحره
ام الكفاح .. ام الجهاد
والعزم .. ويا المقدره
***
عبير الجندي
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.