اتلون ع كيفك واتغير
ضوج بطاووسك واتبختر....
وتشوف ع كل الناس
ضحاك وجن ولاتتحسر....
ون بدك عجروحي اتمشور
بس عليي إصحى تكبر....
.....
انكنت شبوبيه مليان
وشايف حالك شب زغير....
ومسوي مانك سئلان
وعم تنغر وعم تتمختر....
لاتنسى إنت العطشان
والنبع بأحضاني تفجر.....
.......
كل ليلة إذا بدك ..إسكر
وبرد ليلي وطفي المجمر....
واتركني مع دمعي إسهر
ويبس فيني العشب اﻷخضر....
مابزعل ولا ياأشقر
بس تواضع.....لاتتكبر...
........
أكتر من دمعي بداريك
وتحت اﻷجفان بخبيك
ومابغفى حتى غفيك
وع شطوطي مواجك تتكسر...
لكن.....وحياتك برميك
لو ضليت مساوي عنتر......
......
هالنصيحة اسماع اتذكر
لاتخليني منك إضجر.....
مابتعرف شو بسوي فيك
لو قلبي قرر يتحجر....
بسقيك الحسرة بالكاس
وبخلي حلوك....يتمرمر.....
اتلون ع كيفك واتغير
بس عليي إصحى تكبر.....
...................................
شاعر الزيزفون جمال القجة
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.