طب حنافق
والا اطاطى
إطلعوا من تحت باطى
الحياه والعمرواحد
والزمن م العمر واخد
طب سيبونى حبه اطبل
والا يوم ارفع قُماطى
-------
خدنوا ايه م المرجليه
غير هموم المسئوليه
انتوا تشتغلوا انا اقبض
هيه دى العيشه الهنيه
-----
جوخ راح امسح
وبصندوق نداله حاسرح
امسح المطفى ينور
ابقى زى فلاش اصور
هيه دى عيشة التطور
وانتوا إتعشوا فول حراتى
-------
ندل ايوه مش اصيل
الاصيل طب نابه ايه
حتى دا بيصعب عليه
م المقاسى واللى فيه
-------
لما اصون اللقمه بينا
وتقولولى عيش وملح
بتصلحونى سته سته
نرضوا تبقى عيشتى كُح
------
مش موافق ابقى منكم
تخلطوا زيتى بدقيقكم
انتوا فقر تحبوا دينكم
اما دينى فلوس ودح
----
حنى لو دار الزمان
طبعى دايما بيقى جاهز
ايوه طبعا العوبان
حادى للاندال حوافر
----
انتوا إتعشوا ضمير
اتعشى انا سمنه وفطير
عندى كل المر جاهز
مهما قولتوا واد خطير
اصل انا بقيت مدير
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.