لوحدي
متل تلوج الشتي
مافي
حدا يضمّا
...
منسية ع رزنامة الأيام
متل عيد
بتشعل فيه شموع معطرة
وحبقات
كتار
ختيروا
مافي حدا يشمّا
....
محسودة ع عرزال
ع الورق بنيته
وصرت ناطورة العشاق
ونظرة حرمان
ع الأرض وقعت
مافي حدا لمّا
....
مواعيد الحب
متل مواعيد الله
لازم بوقتا الصلاة
بالعشر أوقات
تتسمّا
...
شتقت لكلمة
حبيبي
تعبانة من السكوت
....
للحب
أسماء حسنى
كل يوم قبل النوم
بعيدها
وبعيدها
....
بلكي
هالحكايات اللي لغيري بكتبها
حدا منها
بهالخايبة
يهمّا
.....
فاطمة عيزوقي
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.