ونتغطى بلحاف الهوى الكلو حنان ...
ولما جفن هالعين بينعس وبنام ...
يوقف ع بابو الحب وينطرنا الأمان ...
ولو شعلوا النار بأرضك ما منهابها ...
ومتل ما كانت على ابراهيم رح نخلها...
برد وسلام والرب رح بيطفيها ...
وغير أشر الناس ما بيحترق فيها ...
وطني الصبح فيك عروس مغنجة ...
عم تفتح الأهداب متل بنفسجة ...
وعم ترتوي بالحب من قطر الندى ...
وتشرب المية بكؤوس متلجة ...
ولما الشمس بطل تلمسهل بحنان ...
بيتوهج على خدودا زهور البيلسان ...
ترفع إديها وتتكي ع غصن بان ...
وتناجي ربا من قلبا الكلو إيمان ...
وطني تلالك وسهولك كلا خيرات ...
وعم تزين أنوارك أحلى النجمات ...
وهونة ببلادي الحلوة بتحلا السهرات ...
وفي عنا خضرة ومية وأحلى النبعات ...
ويلا يا أهل بلادي نغني للحب ...
ونخلي الدني كلا بأنوارو تصب ...
تشعشع أضواءو الحلوة تا يجن القلب ...
وتعمر أحلى سهرية مع هالأحباب ...
...................................
ملك الأصفر
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.